Андоновиќ: Коронавирусот го става светот во карантин – економијата во рецесија

You must need to login..!

Опис

Американскиот претседател, Доналд Трамп, предупреди дека САД би можеле да влезат во рецесија поради ширењето на коронавирусот. Тој најави дека кризата со КОВИД-19 во САД би можела да трае во текот на целото лето.

Трамп им препорача на луѓето да избегнуваат ресторани, барови и јавни простори, како и непотребни патувања, но засега нема намера да прогласи национален карантин. Во исто време Русија објави дека на странците ќе им биде забранет влез во земјата до 1 мај, а своите граници за странски државјани ги затвори и Канада. И Европската Унија (ЕУ) најави дека ќе воведе привремена забрана за влез во земјите од ЕУ за сите оние кои немаат важна причина за патување.

Претседателката на Европска комисија, Урсула фон дер Лејен најави дека рестрикцијата првично ќе трае 30 дена, а по потреба може да биде продложена. Од ограничувањата ќе бида исклучени државјаните на Велика Британија, сите кои имаат постојан престој во ЕУ, членови на семејствата на државјани на ЕУ, дипломати, медицински персонал, како и тие што превезуваат стока и работат во пограничните подрачја.

Во меѓувреме не стивнуваат реакциите од одрдени држави пред се во регионот на Балканот за одлуката на Брисел го ограничува извозот на медицинска опрема во државите надвор од ЕУ. Многу од балканските политичари не го сокрија својот револт за оваа одлука, сметајки ја како „нож во грб“ поради тоа што медицинската оперма им е многу потребна. Многу од владите се надеваат на помош од Кина која има и ресурси и искуство и волја да уати доплнителна медицинска опрема за државите кои тоа го побараа.

Билансот на новозаразени ги стави државите да покрај воведувањето на вонредната состојба и затварањето граници, да размислуваат да воведат забрана за движење на лицата над 65 години старост кои се сметаат за најрзична група и најпогодени од овој вирус. Не се исклучува и воведување на полициски час, се со цел да се намали ризикот и опасноста од заболување на нови лица.

Светската здравствена организација апелираше за потребата да се тестира секој сомнителен случај на Ковид-19.

– Имаме едноставна порака за сите земји: тестирајте, тестирајте, тестирајте – порачаа од СЗО.

Дневниот билтен само потврдува дека светот се става во целосен карантин во страв од ширење на коронавирусот што во наредниот период ќе се одрази врз светската економија, посочи новинарот Дејан Андоновиќ за Утрински Брифинг на „Слободна ТВ“.

Напишете коментар

Вашата адреса за е-пошта нема да биде објавена. Задолжителните полиња се означени со *

17 + eleven =