Андоновиќ: Индискиот сој на Ковид прави хаос, ЕП во фудбал нов кластер

You must need to login..!

Опис

Најзаразната варијанта на вирусот може да предизвика нов бран на пандемија Критичната состојба како резултат на индискиот или делта вид коронавирус е моментално распространета во азиско-пацифичкиот регион и Русија, а бројот на пациенти почнува да расте и во остатокот од Европа. Владите ширум светот апелираат до младите да се вакцинираат.

Ситуацијата во моментов е критична во азиско-пацифичкиот регион и Русија, иако бројот на пациенти полека почнува да расте во остатокот од Европа. Експертите велат дека вакцинацијата е единствениот начин да се заштити од нова варијанта на вирусот и посочуваат дека е особено важно да се имунизираат младите, кои се најголемите носители на инфекцијата.

Што се однесува до остатокот од Европа, епидемиолошката состојба во моментов е задоволителна, иако бројот на пациенти полека почнува да расте. Велика Британија, која имаше околу 3.000 новоинфицирани лица на ден во почетокот на јуни, сега има скоро 15.000. Скоро сите нови пациенти се заразени со индискиот вид на вирус. Затоа земјите од ЕУ размислуваат да воведат ограничувања за британските туристи. Германската канцеларка Ангела Меркел дури предложи забрана за влез на Британците во ЕУ, без оглед дали биле вакцинирани или не.

Се стравува дека нов кластер на инфекцијата може да биде ЕП во фудбал. Финска ги одложува плановите за олеснување анти-ковид ограничувања поради раст на заразени меѓу љубители на фудбалот Најмалку 300 Финци кои патувале во странство за да ја бодрат својата репрезентација на Европското првенство во фудбал, се заразиле со КОВИД-19, Бројот на нови случаи на ден во Финска се зголеми од речиси 50 на повеќе од 200 во текот на изминатата недела, а бројката веројатно ќе се зголеми во наредните денови, соопштија официјалните лица. И Израел, една од земјите со најголем процент на вакцинирани во светот, има проблем со растечкиот брок на новозаразени. Откако беа укинати сите ограничувања, бројот на инфицирами почна да расте, и сега изнесува близу 200 на ден, што е најголем број на новозаболени на дневно нивоод април. Затоа, од вчера, задолжително се носат маски повторно во затворен простор. Израелскиот премиер Нафтали Бенет вели дека главно се заразени млади луѓе, кои избегнуваат вакцинација. Тој предупреди дека ќе биде принуден да воведе построги мерки доколку помладата популација не биде итно имунизирана. Сепак во моментов најкритична е состојбата во Азија. Индонезија бележи повеќе од 20.000 нови инфекции на ден, што е рекорден број од почетокот на пандемијата.

Напишете коментар

Вашата адреса за е-пошта нема да биде објавена. Задолжителните полиња се означени со *

19 − 2 =