Андоновиќ: Бројката на излекувани е една четвртина од вкупниот број на случаи од коронавирусот

You must need to login..!

Опис

Бројот на заболени во светот ја надмина цифрата од 1,8 милиони, а досега починаа повеќе од 114.000 лица. Она што дава доза на оптимизам е секако бројката на излечени. Таа изнесува една четвртина од вкупниот број на случаи во светот, односно 423.728. Најмногу излекувани има во Кина, 77.663, потоа во Шпанија 62.391, Германија 60.300, Иран 43.894, Италија 34.211 и САД 32.634. Што се однесува до жртвите, најмногу лица починаа во САД 22.115, Италија 19.89 Шпанија 17.209, и Франција 14.393.

Поради начинот на кој се развива ширењето на болеста, американските здравствени власти оценија дека е неизвесно одржувањето на претседателските избори во САД закажани за 3 ноември поради коронавирусот.

Од Национален институт за алергии и инфективни болести засега не можат да гарантираат дека ќе биде сигурно, луѓето лично да излезат на избирачките места на изборите за претседател на САД во ноември. Секогаш постои можност да се појави нов бран на коронавирусот на почетокот од зимата. велат американските здравствени власти.

Во меѓувреме во Кина повторно се зголемува бројот на нови случаи на коронавирус најмногу во последните шест недели, што ги подгрева стравувањата дека е се позивесен нов бран на коронавирусот. Бројката е 108 случаи и според кинеските здравствени власти се работи за лица дојдени од странство На 28 март беше забранет влез за странците во Кина. Сепак, државните медиуми јавуваат дека патниците кои ја преминуваат границата од Русија го шират коронавирусот во кинеската погранична област со Русија. Кина досега пријави 82.160 случаи на заразени со коорнавирус, 3.341 мртви и 77.663 излекувани пациенти.

Се покажува неуспешен пристапот на одредени држави во светот кои се обидоа по пат на игнорирање на коронавирусот да се справат со пандемијата. Пример за тоа е Шведска каде според експертите релаксираниот пристап кон коронавирусот може да заврши лошо.

Во Шведска, каде има потврдено 9.141 случај и 793 се починати експертите се загрижени дека слабите мерки можат да доведат до сериозна епидемија во земја со само десет милиони жители. Шведска има релативно висока стапка на смртност, 7.68 проценти од Швеѓаните кои биле позитивни на коронавирусот починале. Соседните држави, како Норвешка и Данска имаат стапки на смртност од 1.46 а стапката на смртност во случајот на САД е 3.21 отсто. Додека високата стапка на смртност во Шведска е поради мал број тестирања во споредба со соседните земји, експертите велат дека лежерниот пристап на Шведска е исто така една од причините. Владата на Шведска продолжува да се залага за полесни мерки.

Во меѓувреме, во обид да се спаси светската цена на нафата, земјите членки на ОПЕК успеаа да се договорат и да стават крај на нафтената војна.Саудиска Арабија, Русија и другите земји извознички на нафта од ОПЕК+ и групата Г-20 синоќа склучија конечен договор за кратење на вадењето сурова нафта во висина од 9.7 милиони барели дневно. Но, помалку извадената нафта, сепак, нема да го стабилизира пазарот, бидејќи побарувачката останува пониска од понудата поради светската криза со пандемија од коронавирус.

Напишете коментар

Вашата адреса за е-пошта нема да биде објавена. Задолжителните полиња се означени со *

two + 18 =