Андоновиќ: Белорусија, Полска и мигрантската криза: Како илјадници луѓе завршуваат заглавени на источноевропската граница

You must need to login..!

Опис

Мигрантската криза на границата меѓу Белорусија и Полска станува се потешка, додека илјадници луѓе од Блискиот Исток и Африка се обидуваат да влезат во Полска.
Меѓу мигрантите има и деца, а состојбата од ден на ден се влошува

Според сознанијата на западните медиуми,, во следните седум дена во Минск ќе пристигнат 21 лет од Истанбул, 12 од Дубаи и еден од Багдад.

Значителен број патници на овие летови се најверојатно мигранти кои со премолчена поддршка на белоруските власти ја користат оваа земја како транзитна станица за пристигнување во земјите од Европската унија.
Од 2020 година, белоруските власти ги укинаа или значително ги поедноставија визните барања за 76 земји.

Меѓу нив има и земји кои се вмешани во вооружени конфликти, како Сирија, Либија, Ирак и Авганистан, од кои многу цивили се обидуваат да ги напуштат.

Во Сирија, Ирак и Турција, туристичките агенции почнаа да го рекламираат патувањето во Белорусија, додека нудат сместување и вработување во ЕУ.
Ваквото патување чини меѓу 10.000 и 20.000 долари, во зависност од условите.
Дојче веле спроведе истрага тврди дека белоруските конзулати дури им го делегирале правото на тие туристички агенции да внесуваат белоруски визи во нивните пасоши.

Оваа година Белорусија значително го зголеми бројот на летови кон Блискиот Исток.
Ирак и натаму преставува главна почетна точка за бегалците од блискиот исток од каде белоруските туристички агенции и авио компании ги носат кон границата со Полска

Во септември, високиот претставник на ЕУ за надворешни работи Џозеф Борел успеа во преговорите да ги убеди ирачките власти да го намалат бројот на летови за Белорусија.

Сега Курдите од Сирија го сочинуваат најголемиот број луѓе кои на овој начин се обидуваат да влезат во ЕУ.
.Останатиот дел на државјани се од Либија, Авганистан, Јемен и голем број африкански земји во кои има политички или верски вооружени конфликти, како што се Конго или Етиопија.
Балтичките земји-членки на Европската унија предупредија на можна воена ескалација на конфликтот поради мигрантите кои се обидуваат да стигнат до Европската унија од Белорусија.

Министрите за одбрана на Балтикот предупредија дека „тесните грла на мигрантите, за кои ЕУ вели дека Минск намерно ги создава, се закануваат на голем дел од источното крило на блокот – па дури и може да предизвикаат воен конфликт”.


Тие ја осудија „намерната ескалација на сегашниот хибриден напад од белорускиот режим”.
Нагласувајќи ја билатералната поддршка на нивните земји за Полска, министрите, исто така, ја повикаа ЕУ „да ја зголеми својата поддршка за подобрување на безбедноста на нејзините надворешни граници”.
Стотици мигранти, меѓу кои и многу деца, живеат на отворено на многу ниски температури долж западната граница на Белорусија со ЕУ. Некои имаат шатори, други се засолнуваат само во блиската шума.

Мигрантите, главно од Блискиот Исток, сега се во ќорсокак меѓу авторитарниот режим на белорускиот лидер Александар Лукашенко, кој беше обвинет дека им помогнал да стигнат до граничната област, и полските власти, кои одбиваат да ги пуштат на територијата на ЕУ.

Напишете коментар

Вашата адреса за е-пошта нема да биде објавена. Задолжителните полиња се означени со *

twelve − 10 =