Ангелов: Не сум оптимист дека летово ќе помине без пожари

You must need to login..!

Опис

Центарот за управување со кризи, МВР, Дирекцијата за заштита и спасување и Национални шуми преку кампања повикуваат на одговорно и внимателно однесување на граѓаните при движење во шума, со цел да се избегне ризикот од пожари. Директорот на ЦУК денеска во Утрински брифинг рече дека хеликоптерите за гасење на пожар треба да бидат последна опција. Ги повика ЈП „Национални шуми“, Националните паркови кои стопанисуваат со шумите и ЈП „Паркови и зеленило“ да бидат први кои ќе се спротивстават на пожарите.

– Гаснењето на пожари не смее да се сведе на употреба на авиони и хеликоптери. Тие се користат во краен случај и имаат лимитирани способности. Имаме само неколку хеликоптери за гаснење на пожари кои се во сопственост на АРМ, а Армијата не е создадена да гасне пожари. Затоа хеликоптерите треба да бидат последно средство откако ќе бидат исцрпени сите можности. Пожарите треба да ги гасат тие што стопанисуваат со запалената шума или подрачје. Секој граѓанин кога во природа ќе забележи пожар или од невнимание самиот го предизвикал е должен да направи се што може за да го изгасне, без да се изложува на опасност. ЈП „Национални шуми“, Националните паркови кои стопанисуваат со шумите и ЈП „Паркови и зеленило“ треба да бидат први кои ќе се спротивстават на пожарите. Доколку немаат можност поради недоволен кадар или опрема, треба да се вклучат противпожарните локални единици и тимови од локалната самоуправа која е должна да има такви тимови. Ние имаме само два авиона, тие не можат да наполнат секаде вода и количината на вода која ја собираат е многу помала од количината на вода која ја собираат хеликоптерите. Авионите се принудени да полнат вода со црево што е многу спор процес. За разлика од нив, хеликоптерите можат да наполнат вода на секоја отворена површина која е доволно длабока а такви има многу во Македонија, објаснува Ангелов.

Сепак, важно е да спомене дека авионите не се функционални. Според објаснувањето на Ангелов, Дирекцијата за заштита и спасување повеќе од две години не направила сервис на авионите или ер тракторите, и тие немаат дозвола да летаат. 

– Се надевам дека новиот директор на ДЗС ќе успее да го надмине овој проблем, но да биде јасно дека авионите нема да бидат во употреба ова лето, нагласува Ангелов.

Тој вели дека дел од пожарите многу често започнуваат наивно од отпушоци од цигари кои луѓето ги фрлаат мислејќи дека се изгасени, но и од стаклена амбалажа која се фрла во природата.

-Исклучително се опасни навиките во природа да се прави скара посебно во летните месеци кога тревата е сува и доволна е само искра за да направи пожар кој многу брзо се шири. Но, има и такви кои намерно ја палат шумата за изгорените дрвја да ги откупат по пониска цена и од тоа да заработат. Во моментов нема активен пожар никаде во Македонија. Остатоците од пожарот во Липтово се целосно локализирани, завршува Ангелов.

Напишете коментар

Вашата адреса за е-пошта нема да биде објавена. Задолжителните полиња се означени со *

5 × 3 =