Ангелов: Кинотеката набави скенер за дигитализација кој е отров скап, но ќе биде поевтино отколку во странство

You must need to login..!

Опис

Неколку години наназад Кинотеката е национална установа од културата што прва почнува со програмата веќе од 13 јануари и таков континиуитет одржува до последните денови на годината.

„Традиционално, во овој период помеѓу Божиќ и Водици, ја почнуваме работата со програмата Кино утро, со која почнувајќи од 13 јануари па во наредните 6 денови најмладите ќе можат да гледаат во Кинотека филмови наменети за нивна возраст,а годинава малку ја проширивме програмата со тоа што ќе имаме пладневни и вечерни проекции за малку повозрасни, за тинејџери од 13 до 14 години. Оваа година имаме и еден новитет – тоа е независниот анимиран македонски филм „ Биби, Боби и една снешкастична нова година“. Од мој аспект е тоа многу интересна форма, јаподдржувам независната продукција, а еве и во најновиот број на списанието „Кинопис“ имаме еден текст за независната филмска сцена во Македонија“, вели за Утрински брифинг, Владо Ангелов директор на Кинотеката на Северна Македонија.

„Освен промоцијата на најновиот број на „Кинопис“, единственото стручно списание за филм кај нас, Кинотеката го издала и првото македонско блу реј издание, што значи дека резолуцијата на филмот е висока, се работи за „Мирно лето“ на Димитрие Османли, филм од 1961 година, првата македонска комедија која мислам заслужува да се најде во вакво издание. Ова е прв пат во Македонија да се издаде блу реј издание“, додаде Ангелов.

Тој кажа дека Кинотеката набавила скенер за дигитализација на филмови. „Останува уште некои делови да докомплетираме, тој е отров скап, но е сепак е многу поевтино отколку да се дигитилизираат во странство“, вели Ангелов.

Напишете коментар

Вашата адреса за е-пошта нема да биде објавена. Задолжителните полиња се означени со *

ten − seven =