Ангелов: Дел од Албанците имаат право да ја почитуваат УЧК, но со скандирање се потпалува омразата

You must need to login..!

Опис

Во рамки на соработката на Република Македонија и Република Албанија во делот на управувањето со кризи, директорот на Центарот за управување со кризи, Стојанче Ангелов бешe во работна посета на Албанија во рамки на спроведувањето на НАТО регионални проекти во делот на управување со кризи. Покрај Ангелов, дел од македонската делегација беа и стручни лица од Центарот за управување со кризи заедно со кодиректорот на проектот НАТО СПС НИКС (NATO SPS NICS), Урим Вејсели.

-Како држава во областа на кризниот менаџмент во некои области сме лидери не само во регионот, туку и пошироко. При посетата во Албанија се сретнавме со заменикот министер за одбрана и со директори на институции кои се блиски до нашиот ЦУК. Главна цел на посетата беше промовирање на системот НИКС. Се работи за просторни прикажување на податоците од терен. Се собираат сите информации од сите релевантни субјекти и се прикажуваат на едно место. Тимот предводен од Урим Вејсели има отидено многу далеку и дури имаме иновации на ниво на НАТО, изјави во Утрински брифинг првиот човек на ЦУК, Стојанче Ангелов.

Околу средбата со реисот и случајот околу недоразбирањата за осудата на скандирањата „УЧК, УЧК“ и „Голема Албанија“ Ангелов изјави дека се работи за ненамерна грешка и црната кампања се докажува дека е многу присутна.

Од 2001 година па наваму во моите ставови нема промена. Но согласни сме дека живееме заедно и треба да се бориме за мир и продолжување на процесот за помирување. Во одредени фази сме помирени, но останува да се решат некои прашања. Наследената омраза и дневната политика која ќе најде интерес, користи одреден настан кој е многу сензитивен. Тоа мора се реши. Времето ќе покаже кој е во право. Дел од Албанците имаат право да ја почитуваат УЧК кој што се борела за нивните права, иако јас сметам дека немаше потреба од војна, бидејќи владата на Герогиевски и Џафери направи драстичен скок во подобрување на правата. Со поглаварот не го споевме фактот за правото на протест. Но факт е дека со скандирањата и користење на одредени слогани ги потпалува меѓуетничките односи. Со реисот зборевме општо. Посетата беше однапред закажана и зборувавме за многу теми. Во Македонија е неспорно дека верските заедници, односно МПЦ – ОА има најголема доверба кај македонските православни граѓани, додека ИВЗ кај муслиманското население. Затоа ако сакате да помогнете за подобрување на меѓуетничките односи треба да се обратите кај оние кои уживаат најголема доверба, вели Ангелов.

Говорејќи за пописот Ангелов смета дека попис мора да има и нема причина да не се верува во премиерот , Владата и директорот на ДЗС. Јас немам причина да не верувам дека пописот ќе биде чист. Ако ние се плашиме дека постои опасност од фалсификат, истата опасност ќе постои и по година, две…Ние мора да се соочиме, да имаме објективен попис кој реалнио ќе ги измери состојбите во државата. Вториот момент е ковид кризата. Доколку дојде до разговрување, што не се очекува, тогаш може да разовараме за одложување, смета Ангелов.

Околу вакцинацијата, Ангелов смета дека со вакцинирањето ќе има нормална динамика со која би се надминал изгубениот период. Поголемите држави кои набавуваат поголеми количини секогаш имаат предност, смета Ангелов.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

2 × 3 =