🎥 Ангелов: Делчев, Глигоров, Трајковски, Заев – херојски постапки за кои историјата покажува и ќе покаже дека биле во право

You must need to login..!

Опис

-Споредбата на Зоран Заев со Гоце Делчев е дека историјата не треба да се гледа низ црно-бела призма. Таа е колоритна, шарена. Една личност не треба да ја извадиме од историскиот контекст и да зборувате за неа од денешен аспект. Да зборувате во 2020 за личност од 1903 година без притоа да се земат предвид тогашните општествени случувања е погрешно бидејќи постои многу голема разлика. Во примерот на Гоце Делчев знаме дека тогашниот апостол на македонската револуционерна борба одел по локалните комитети на ВМРО и зборувал против кревање на востание. Не затоа што не сакал востание и слобода на Македонија тукуи затоа што сметал дека народот не е доволно подготвен и ќе налета на кланица.

-Историјата покажува дека Гоце бил во право. Но не само Делчев, ќе го спомнам и примерот од поновата историја – кога Киро Глигоров прифати Македонија да влезе во ОН под привремената референца ПЈРМ, знаме дека до ден денес имаше исмејување. Многумина го сметаа него за предавник затоа што ја прифатил таа референца и промена на знамето. Но јас прашувам, дали доколку Глигоров не ги прифатеше тие услови ние денеска воопшто ќе имавме македонска држава и што ќе се случеше со Македонија. Мора да бидеме објективни дека сме мала држава, со уште помало меѓународно влијание.

-Држава која што во тој период немаше пријатели. Јас сметам доколку Глигоров не ги прифатеше овие услови дека Македонската држава ќе беше соочена со сериозен предизвик и денес иако веќе поминаа 30 години, голем број на македонски граѓани го сметаат Глигоров за херој, другите се уште за предавник но сметам дека со текот на времето во очите на убедливото мнозинство тој ќе стане херој бидејќи презел чекор кој што воопшто не бил популарен но ја спасил државата, изјави во Утрински брифинг лидерот на Достоинство Стојанче Ангелов.

-Борис Трајковски и потпишувањето на Охридскиот договор – јас спаѓав во тие кои му се лутеа, бидејќии во 2001 година победивме секаде каде што имавме наредба да војуваме. Арачлиново ќе беше исчистено за 5 или петнаесет дена, но меѓународната заедница не сметаше така. Многумина го сметаат Борис Трајковски за предавник со ооваа постапка, но од денешната дистанца сметам дека тој постапил исправно, бидејќи ако се спротивставеше на екстремно силниот притисок на меѓународната заедница можеби ќе ни се заканеше српското сценарио од 1999, вели Ангелов.

-Оние кои што денес го сметаат Заев за предавник, можеби по само неколку години ќе гледаат како разумен чин. Јас сметам дека е разумен херојски чин бидејќи никој до сега не собра таква храброст како Заев. Иделаизмот не не води никаде. Немаме избор, да почекаме, влеговме во НАТО, еден ден ќе влеземе во ЕУ, борбата трае, вели Ангелов.

Напишете коментар

Вашата адреса за е-пошта нема да биде објавена. Задолжителните полиња се означени со *

fifteen + 1 =