Ангеловски: Граѓаните да не наседнуваат на дезинформации – пасоши има за сите

You must need to login..!

Опис

Она што ние мораме како МВР да го направиме е да го надградиме софтверот и да почнеме да издаваме пасоши со Репуиблика Северна Македонија. Тоа е наша законска обврска. Законот кажува дека оваа обврска почнува од 1 јули. Цел месец наназад се работи на ажурирање на софтверот, а изминативе неколку дена мораше целиот тој систем да биде заменет, односно надграден, изјави во Утрински брифинг портпаролот на МВР, Тони Ангеловски.

Апелирам до граѓаните да не наседнуваат на дезинформациите дека нема пасоши. Пасоши има за сите, пасоши ќе добијат сите. Токму поради тие дезинформации, најголем број на луѓето се упатија во утринските часови. Оние граѓани кои во четвртокот и петокот имаат термин, тие можат да дојдат во било кое време, било кој ден и ќе ја добијат својата услуга. Нема потреба од турканици, слободно дојдете, службите работат и попладне и навечер. Лагата која ја пласираат одредени опозициски медиуми и политичари е неточна, вели Ангеловски и додава дека проблемот со недостаток на регистарски таблички е надминат.

Ангеловски ја искористи приликата и да апелира возачите овој период особено да внимаваат, бидејќи, според статитстиките, јули и август се месеци во годината кога заради топлото време бројот на насреќи во сообраќајот е зголемен.

Напишете коментар

Вашата адреса за е-пошта нема да биде објавена. Задолжителните полиња се означени со *

eleven + 4 =