Анализа: Путин погреши во проценката дека ќе има симпатии од Украинците и дека нема да има ваков одговор

You must need to login..!

Опис

Секогаш е тешко да се поверува дека ќе започне војна, луѓето се надеваат дека станува збор за изолирани инциденти, дека ќе реагира меѓународната заедница… Така беше во деведесеттите со војната што следеше по распадот на Југославија, а слично е и сега во Украина.

Во врска со колоната од 64 километри, што беше пред неколку дена откриено дека се движи кон Украина, сѐ уште не е стасана од што произлегува дека украинската авијација нема моќ да ја нападне, а движењто на колоната е бавно затоа што возилата често се расипуваат.

-Бајден вчера изјави дека Путин сѐ уште не е свесен со што ќе се соочи, потенцира Дејан Андоновиќ.

Митко Биљаноски, уредникот за надворешна политика на „Слободен печат“, коментира дека колоната не е офанзивна, туку треба да влезе кога ќе заврши нападот, а уривањето на телевизиската кула веројатно е дел од диверзантски акции оти оигледно е дека Русија има уфрлено групи.

-Ако се пресече патот на Киев кон Житомир, тогаш градот ќе се соочи со опсада, вели Биљаноски.

Во Брисел, пак, вчера беше важен ден. Имаше вонредна пленарна седница на Европскиот парламент кој со огромно мнозинство ја осуди руската агресија и побара итно да се изготви план за статус на Украина за земја кандидат на Европската унија.

-Украина мора да добие кандидатски статус и што побрзо да стане членка на ЕУ, беше општиот заклучок вели Тања Милевска Дописничката на МИА од Брисел.

Говорот на Зеленски пред Европскиот парламент беше пречекан со овации и одобрување.

Милевска вели дека е важно земјите од Источното партнерство (Украина и Молдавија) имаат само статус на партнерство, а не и кандидатски статус. Тие земји треба да се најдат во истиот пакет како другите земји кандидатки каква што е Македонија. Како тоа ќе се направи, ќе видиме од постапките на Европската комисија.

-Не верувам дека Украина може за 5-6 месеци да стане земја-членка. Многу земји од ЕУ не се многу расположени за членство на Украина оти тоа ќе има економски импликации. Ова беше чин на поддршка на украинскиот народ и мислам дека многу бргу ќе се разочараат, исто како и ние, вели Милевска.

Во Брисел се загрижни од дестабилизација во Босна и Република Српска, а не се споменува позицијата на Македонија и Албанија, додава Милевска за Утрински брифинг.

Според некои проценки, во Украина имаат влезено 70.000 војници, а влегување на белоруски војници не е потврдено, вели Биљаноски. Инвазијата нема да напредува онолку бргу колку што се очекуваше, коментира Биљаноски.

-Не верувам дека ќе си дозволат да гаѓаат цивилни цели оти Русија планира да владее со земјата, тие чекаат локалното население да побара леб од нив оти без симпатиите на локалното население руската војска ќе биде во независна ситуација, коментира Биљаноски.

Целиот разговор погледнете го во видеото

Напишете коментар

Вашата адреса за е-пошта нема да биде објавена.

10 − seven =