Актерите Ајдини и Абази и продуцентот Антов: Изборот во главната програма во Венеција е наш голем успех

You must need to login..!

Опис

Косовско – македонско – албанската копродукција е дебитантски филм на режисерката Калтрина Красниќи и е поддржан од Агенцијата за филм на Северна Македонија. Филмот е избран во главната програма на 78. издание на Венецискиот филмски фестивал, во трка за „Златен лав“.

Светската премиера на „Вера сонува за морето“ ќе се одржи во Венеција на 8 септември, а ќе има вкупно 9 проекции во рамки на фестивалските денови. Филмот ја ја раскажува приказната за Вера, толкувачка на знаковен јазик која по самоубиството на сопругот, реномиран судија се наоѓа во ситуација самата да преговара за иднината на нејзината ќерка и внука со традицијата и државата, во момент кога сите ги презираат жените како нив. Како што рече продуцентот Антов, филмот е снимен во 2019 година во Косово и Албанија. Буџетот на филмот е под 400 илјади евра. „Првото што ме привлече во овој филм, без разлика дали ќе бев избрана за улогата, или не, беше темата, ми беше блиска затоа што не е важно да имаш физичка сила, туку таа морална сила која ја има Вера. Таа на се’ што и’ беше препрека на патот кажа не и успеа да ги победи сите предизвици кои се наоѓаа пред неа. Многу сум самокритична, се’ уште не го гледав филмот, но чувствувам дека добро сум ја изнела улогата“, вели за Утрински брифинг, Теута Ајдини- Јегени.

Рефет Абази пак, актерот што ја толкува улогата на корумпираниот судија Баши, вели дека Теута успеала ни својата улога да ја прикаже победата на душата врз лавирнитите на злото и корупцијата и да го најде патот низ темните вилаети што ги има во општеството. „Сметам дека овој филм е веќе го постигнал голем успех со тоа што е прифатен да биде дел од официјалната програма на Венецискиот фестивал. Истото чувство го имав и 2011 година кога со филмот „The Forgiveness of Blood“ ја освоивме „Сребрената мечка“ на Берлинале, се надевам дека ќе имаме причина за прес конференција откако ќе се вратиме од Венеција.

Продуцентот Огнен Антов се надева дека на филмот ќе му помогне и тоа што програмата на овој Венециски филмски фестивал е во знакот на жените. „Се надевам дека можеби тоа ќе биде момент заради кој би биле за нијанса понапред од другите, затоа што фокусот на жените. Инаку, реално филмовите на фестивалите се избираат според тоа дали се добри или помалку добри. Во 2010 успеавме да го донесеме „Срцето на Сараево“, во 2019 награда на фестивалот во Торонто и Санденс, се надевам дека оваа година „Дрим фектори“ ќе успее да донесе уште една награда на оваа држава и на целата екипа од Косово, Македонија и Албанија, како заокружување на оваа фестивалска година“, рече продуцентот Огнен Антов.

Актерската екипа ја сочинуваат: Теута Ајдини – Јегени, Рефет Абази, Алкета Силај, Астрит Кабаши и др. Режисерка на филмот е Калтрина Красниќи, сценариото е на Дорутина Баша, директорка на фотографија е Севдије Кастрати, монтажер е Владимир Павловски, а снимател на звук е Игор Поповски, композитор е светски познатиот Петрит Чеку, дизајнер на звук Дарко Спасовски, а продуцент од Македонија е Дрим Фектори, односно Огнен Антов. Годинашното издание на Интернационалниот филмски фестивал во Венеција се одржува од 1 до 11 септември.

Напишете коментар

Вашата адреса за е-пошта нема да биде објавена. Задолжителните полиња се означени со *

three × 4 =