Од 1 јули започнуваме со работа со нови протоколи со цел да ги заштитиме нашите патници и сите да се заштитиме од ширење на вирусот. Во суштина протоколите остануваат, но ќе има нови мерки кои ќе започнат да се имплементираат од 1 јули и исте ќе бидат имплементирани уште пред влезот на зградата. Сите патници уште пред да влезат во терминалната зграда ќе мора да ја стават маската и да ја носат цело време.

-Ќе поминаат низ патоснисници за дезинфекција на обувките, дезинфекција на рацете и ќе преминат на термалните камери каде ќе им биде измерена телесната температура. Насекаде низ аеродромаската зграда имаме поставено стикери кои ги потсетуваат патниците да се придржуваат кон мерките за заштита од вирусот. Засилено е и чистењето и дезинфекцијата на аеродромот и аеродромската зграда. Има поставено и стаклени бариери со цел да се заштитат вработените и патниците. Насекаде каде што има редици за чекање има стикери за држење на дистанца, изјави за Утрински брифинг, Алпер Ерсој директор на ТАВ Македонија.

Од самиот почеток на пандемијата ние сме во постојана комуникација со Комисијата за заразни болести, особено со министерството за здравство и ги следиме сите препораки и мерки кои се применливи во нашата работа. Сите наши протоколи се во согласност со препораките. Еден од нашите доктори е и член на Комисијата за заразни болести и сите протоколи ги подговтвуваме во согласност со нив и со сите меѓународни институции. Она што е најважно за нас е постојано да носиме маска, да одржуваме дистанца, со цел да спречиме понатамошно ширење на вирусот, вели Ерсој.

Во посоледните две децении имаше кризи што на некој начин влијаеа на авио-индустријата, но за прв пат се соочуваме за криза која толку негативно ќе влијае врз авиоиндустријата во целост. Според калкулациите загубите во авиоиндустријата на светско ниво би биле околу 100.000.000.000 евра. Истото се однесува и на ТАВ Македонија. Ние имаме огромни загуби со тоа што трошоците остануваат тековни. Поради сите рестрикции за патување и психолошкиот аспект од КОВИД-19, очекуваме дека опоравувањето од оваа криза би било бавно и потребни се неколку години за да се вратиме на бројот на патници од 2019, изјави за Утрински брифинг, Алпер Ерсој директор на ТАВ Македонија.