Адамчески: Бајден ќе изврши притисок врз Борисов и Радев за европска интеграција на Македонија

You must need to login..!

Опис

Охрабрувачки е ставот на помошникот државен секретар за европски и евроазиски прашања во американскиот Стејт Департмент Филип Рикер, кој неодамна испрати писмо до премиерот Зоран Заев во кое истакна дека САД остануваат посветени во поддршката на Северна Македонија за нејзините интеграции кон Европската Унија, вели за Утрински брифинг, Мирче Адамчески, новинар и аналитичар на надворешните политики.

„Рикер даде силна и здрава изјава која ветува дека ќе можеме да ги продолжиме преговорите со Бугарите без комплекс на помала вредност. Рикер е јасен дека билатералните прашања треба да се решаваат надвор од Европската унија“, вели Адамчески.

Тој смета дека на политиката на Трамп не била променета кон Балканот, без разлика што американскиот претседател во заминување ги менувал работите внатре во Стејт Департментот, и дека од новиот претседател Бајден, го очекува истото.

„Политиката на Америка кон Македонија не беше променета. Ние за време на Трамп, да не заборавиме, дека го постигнавме Преспанскиот договор и влеговме во НАТО. Американците не ја менуваат надворешната политика преку ноќ. Од администрацијата на Бајден очекувам да продолжи на ист начин“, вели новинарот.

Анализирајќи ги односите на Македонија и Бугарија, според Адамчески, Бугарите со својот однос кон Македонија, придонесуваат за интересите на надворешната политика на Русија.

„Русите беа незадоволни кога Македонците станаа членка на НАТО, не го криеја тоа и нема да се откажат од притисоците кон Македонија. Со односот на Бугарија кон Македонија, гледаме какви се реакциите кај нас, дека може да дојде политичка криза и Русите само ќе ни се потсмеваат дека не сме стабилна држава. Русите не сакаат стабилна Македонија. Дестабилизацијата на Македонија не оддалечува од европските интеграции, а ние мораме да бидеме стабилно општество кое треба да отвори преку 30 поглавја“, констатира Мирче Адамчески.

Тој потенцира дека Џо Бајден во своите програмски начела има за цел борба против корупцијата и таму ја гледа можноста да притисне дури и врз премиерот Борисов и претседателот Радев за да се подобри билатералниот однос меѓу Скопје и Софија.

Напишете коментар

Вашата адреса за е-пошта нема да биде објавена. Задолжителните полиња се означени со *

19 + six =