Автошколите бараат покачување на цената за полагање

You must need to login..!

Опис

Економската криза предизвикана од пандемијата од Ковид 19, ги засега сите сектори на функционирање во државата.

Поскапувањето на горивата предизвика домино ефект и во другите гранки каде цените се во постојан пораст, а најголемо влијание извршија врз секторите кои се зависни од овој енергенс.

Од ваквата ситуација засегнати се транспортерите, такси превозниците, автобускиот превоз, но за сега барем во овие гранки нема поскапување на цените иако како што велат работат на раб на егзистенција.

Тука се и автошколите кои особено минатата година беа погодени од рестриктивните мерки и кога нивната работа беше запрена..

Сега кога повторно функционираат велат изминатиот период се сменија многу работи, давачките пораснаа па ќе мора и ние да ги коригираме цените за нашите услуги..

Од министерството за внатрешни работи веќе побарале да одобри покачување на цените на услугите.

На оваа тема во Утрински брифинг разговаравме со претседателот на Националното здружение на автошколи и возачи инструктори – обука Л, Јонче Апостоловски.

-На наш предлог минималната цена за обука е ставена во законска рамка од 2015. Да потсетам дека пред таа 2015 година имавме цени на обука од 5.000 до 15.600, значи еден ширен распонн на нудење на цена.

-2015 изготвивме елаборат кој што го потпишаа 98% оа автошколите. Потребно е да изнесува 24.500 денари. Тој елаборат го поднесовме до МВР, но од таму одличија дека 19.300 е доволна за почеток за да можеме да направиме некој чекор во тој дел.

-За А и за Б категорија се работи претежно. Ние сакаме да се вратиме шест години назад, таа цена што ја понудивме тогаш, сега да биде актуелна и да можеме да продолжиме да работиме, вели Апостоловски.

Целиот разговор погледнете го во видето

Напишете коментар

Вашата адреса за е-пошта нема да биде објавена. Задолжителните полиња се означени со *

1 × 5 =