Аврамчев во Скопски агол: Иако Универзална сала не работи, ние сепак го подготвуваме Фестивалот на светлината

You must need to login..!

Опис

Директорот на Универзална сала, Филип Аврамчев денеска во „Скопски агол“ на „Утрински брифинг“ потсети дека за една недела истекува можноста за пријавување на „Фестивалот на светлината“ и ги повика заинтересираните да не ја испуштат можноста да бидат дел од третото издание на „Skopje light art district“.

– Останува уште една недела за пријавување на фестивалот. Би сакал да апелирам што повеќе артисти од Македонија да се пријават и да дадат одредени предлог концепти за истиот фестивал.

Оваа година прв пат се осмеливме да ставиме и фокус на фестивалот. Оваа година фестивалот на светлината има зелен фокус. Тоа значи сите предлог концепти што ќе дојдат од уметниците ќе треба да имаат во фокусот заштита на животна средина и климатски промени. Со еден збор да дадат еколошка порака, рече Аврамчев.

Фестивалот ќе се случува на петнаесетина локации во Скопје.

– Дадовме предлог од 15 локации, а артистите ќе треба да изберат каде сакаат да се наоѓа нивното дело.

Почнуваме од Камениот мост, продолжуваме по Кејот на Вардар и ќе навлеземе длабоко во Градскиот парк, информира Аврамчев.

Проектите за реконструкција на Универзална сала не ги задоволуваат потребите на скопјани затоа што не се зголемува капацитетот на салата. Од друга страна многу е поскапо да се реконструира, отколку да се направи нов објект.

Набрзо ќе има нов јавен повик за избор на идејно решение каде што ќе се оди со нов проект, односно ќе има нова сала. Јас ќе се обидам да задржам некои стари елементи кои што сите нас не прават носталгични, вели директорот Аврамчев.

Напишете коментар

Вашата адреса за е-пошта нема да биде објавена. Задолжителните полиња се означени со *

8 + seven =