Аврамоска Нушкова: Семејното насилство може да се зголеми за време на празничните денови

You must need to login..!

Опис

Секој што ќе биде сведок на насилство врз жени или семејно насилство треба да го пријави, бидејќи според досегашните искуства на организациите кои работат во оваа сфера има поголем број пријави токму во деновите кога целото семејство е дома. А како што велат, насилството не е приватен проблем. „Нашите бројки од периодот на карантинските денови покажаа дека јавувањата и зголемувањето на пријавувањето на семејно насилство се случува во моменти кога целото семејство е дома. Значи интензитетот на насилството може да се зголеми или пак таму каде што имало потенцијал да настане или да дојде до насилство за време кога е собрано заедно многу е поголема веројатноста насилството да се интензивира.

А на самата жртва останува дали ќе го пријави насилството. Надлежни институции за постапување по пријава за насилство прво е полицијата, освен во полиција, насилството може да се пријави и во најблискиот меѓуопштински центар за социјална работа кој е надлежен на нивното место на живеење. Исто така, жртвите на насилство може да пријават во здравствена установа, како и во граѓанските организации. Она што е важно да го знаат жртвите дека ако пријават насилство во полиција, судот може да изрече итни мерки на отстранување на сторителот од домот и забрана за приближување без оглед кој е сопственик на живеалиштето. Овие итни мерки се со траење од 10 до 30 денови.

Според МВР, во 2019 година имало 989 пријави за кривични дела поврзани со семејно насилство, а според регистираните случаи на семејно насилство во Министерството за труд и социјална политика имало 1555 пријави. Од кои 1135 се пријави од жени, а 173 од новорегистрирани жртви на насилство – деца“, вели за Утрински брифинг, Ана Аврамоска Нушкова од организацијата Глас против насилство.

Напишете коментар

Вашата адреса за е-пошта нема да биде објавена. Задолжителните полиња се означени со *

three × five =